ഈ പ്രതിസന്ധി ഘട്ടത്തിൽ ജീവനക്കാരെ സംരക്ഷിക്കാം.

ഈ പ്രതിസന്ധി ഘട്ടത്തിൽ ജീവനക്കാരെ സംരക്ഷിക്കാം.

മുൻപെങ്ങും അഭിമുഖീകരിക്കാത്ത ഒരു വലിയ പ്രതിസന്ധി ഘട്ടത്തിലൂടെയാണ് നമ്മുടെ രാജ്യവും, ബിസിനസ്‌ മേഖലയും കടന്നുപോയി കൊണ്ടിരിക്കുന്നത്. ലോകം മുഴുവൻ വ്യാപിച്ച മഹാരോഗം കോവിഡ് 19 നമ്മുടെ രാജ്യത്തും വലിയ അപകടാവസ്ഥയാണ് സൃഷ്ടിച്ചിരിക്കുന്നത്. ഇതിന്റെ പ്രത്യാഘാതം ഏറ്റവും കൂടുതൽ ബാധിക്കാൻ പോകുന്ന ഒരു വലിയ മേഖല നമ്മുടെ ബിസിനസ്‌ മേഖല തന്നെയാണ്. 21 ദിവസം രാജ്യം നിശ്ചലമാകുമ്പോൾ നമ്മുടെ സാമ്പത്തിക മേഖലയ്ക്ക് കനത്ത നഷ്ടം ഉണ്ടാകാനുള്ള സാധ്യത തള്ളിക്കളയാനാകില്ല. രാജ്യത്തെ ബിസിനസ്‌ മേഖല നിശ്ചലമാകുമ്പോൾ അതിന്റെ പ്രത്യഘാതം ബിസിനസുകാരെ പോലെ അനുഭവിക്കേണ്ടിവരുന്നത് സ്വകാര്യ മേഖലയിൽ ജോലി ചെയ്യുന്ന ജീവനക്കാരാണ്. ഈ അവസ്ഥയിൽ ബിസിനസ്‌ ഉടമ അവരുടെ ജീവനക്കാരെ എങ്ങനെ സംരക്ഷിക്കണം എന്നു ചിന്തിച്ചിട്ടുണ്ടോ? 

പ്രതിസന്ധി ഘട്ടത്തിൽ അവരെ ചേർത്ത് നിർത്തണം.

ഈ സാഹചര്യം മൂലം  ബിസിനസിന് വലിയ സാമ്പത്തിക നഷ്ടം ഉണ്ടാകുമെങ്കിലും അതിനെ തരണം ചെയ്തു മുൻപോട്ടു പോകാനുള്ള  ശക്തിയാണ് ബിസിനസ്‌ ഉടമകൾ ജീവനക്കാരിൽ കാണേണ്ടുന്നത്. ഈ അവസരം  നിങ്ങൾക്ക് അവരോടുള്ള സ്നേഹവും, ആത്മാർത്ഥതയും ഉയർത്തിക്കാട്ടാനുള്ള അവസരമാണിത്.   നാളിതുവരെ സ്ഥാപനത്തിനായി പ്രവർത്തിച്ചവരാണ് അവരെന്ന് നാം മറന്നു പോകരുത്. ഈ സമയത്ത് അവർക്ക് നൽകാവുന്ന ഏറ്റവും വലിയ സഹായം നിങ്ങളുടെ കരുതലും, സംരക്ഷണവുമാണ് . 

ഈ പ്രതിസന്ധി ഘട്ടത്തിൽ തൊഴിലുടമയ്ക്ക്  ജീവനക്കാരോടുള്ള കടമ.

👉 ഈ സാഹചര്യം മറികടക്കാൻ എല്ലാ ജീവനക്കാരും ഗവണ്മെന്റ് പുറപ്പെടുവിച്ചിട്ടുള്ള നിർദേശങ്ങൾ പാലിക്കാൻ പറയുക. 

👉 എല്ലാ മാനേജർമാരും അവരുടെ ഡിപ്പാർട്മെന്റിൽ ജോലി ചെയ്യുന്ന ജീവനക്കാരെ നേരിട്ട് വിളിച്ചു  ജീവനക്കാരുടെയും കുടുംബത്തിന്റെയും സാഹചര്യം അറിയുവാൻ നിർദ്ദേശിക്കുക. 

👉 ബിസിനസ്‌ ഉടമ നേരിട്ട് മുതിർന്ന ജീവനക്കാരെയും, സാമ്പത്തികമായി പിന്നോക്കം നിൽക്കുന്ന ജീവനക്കാരെയും വിളിച്ചു ഈ സാഹചര്യം അവർ എങ്ങനെ തരണം ചെയ്യുന്നു എന്നു തിരക്കി അറിയുക. 

👉 ജീവനക്കാരെ നേരിട്ട് വിളിച്ചു സാഹചര്യം മനസിലാക്കുകയും ആവശ്യങ്ങൾ മനസിലാക്കി അവരെ സഹായിക്കുകയും ചെയ്യണം. 

👉 ഈ പ്രതിസന്ധി മറികടക്കാൻ നിങ്ങൾ അവരോടൊപ്പമുണ്ടെന്നു അറിയിക്കുക. നിങ്ങൾ നൽകുന്ന ആ മനോവീര്യം ജീവനക്കാർക്ക് വലിയ ആശ്വാസമാകും.

👉 കഴിയുമെങ്കിൽ ആവശ്യം മനസിലാക്കി മുൻ‌കൂർ ശമ്പളം അനുവദിച്ചു കൊടുക്കാൻ ശ്രമിക്കുക.

നമ്മൾ ഒരുമിച്ചു ഈ പ്രതിസന്ധി മറികടക്കും എന്നു   തീരുമാനമെടുത്തു നിങ്ങൾ മുൻപോട്ടുപോവുക. ഈ സമയത്ത് നിങ്ങൾ നൽകിയ സംരക്ഷണം ജീവനക്കാർക്ക് സ്ഥാപനത്തോടുള്ള ആത്മാർത്ഥത വർധിപ്പിക്കും.

 _നമ്മുക്ക് ഒരുമിച്ച് മറികടക്കാം ഈ പ്രതിസന്ധിയും_

✒ _Sarathkumar Kattoor
Management Consultant | Paddle Business Consultants.

Popular posts from this blog

മുൻധാരണകൾ ഉണ്ടാക്കുന്ന അപകടങ്ങൾ – വ്യക്തിജീവിതത്തിലും തൊഴിൽജീവിതത്തിലും.

Image
മുൻധാരണകൾ ഉണ്ടാക്കുന്ന അപകടങ്ങൾ – വ്യക്തിജീവിതത്തിലും തൊഴിൽജീവിതത്തിലും ലേഖനം: ശരത്കുമാർ കാട്ടൂർ, മാനേജ്മെന്റ് കൺസൾട്ടന്റ് നമ്മുടെ ജീവിതത്തിൽ പല തീരുമാനങ്ങളും വളരെ വേഗത്തിൽ എടുക്കേണ്ടി വരുന്ന സാഹചര്യങ്ങൾ ഉണ്ടാകാറുണ്ട്. എന്നാൽ പലപ്പോഴും ഈ തീരുമാനങ്ങൾ യഥാർത്ഥ വിവരങ്ങളുടെ അടിസ്ഥാനത്തിലല്ല, മറിച്ച് മുൻധാരണകളുടെയും അനുമാനങ്ങളുടെയും അടിസ്ഥാനത്തിലായിരിക്കും. ഒരു വ്യക്തിയെക്കുറിച്ചോ, ഒരു സാഹചര്യത്തെക്കുറിച്ചോ, ഒരു സ്ഥാപനത്തെക്കുറിച്ചോ പൂർണ്ണമായ വിവരങ്ങൾ അറിയുന്നതിന് മുമ്പ് മനസ്സിൽ രൂപപ്പെടുന്ന അഭിപ്രായങ്ങളെയാണ് മുൻധാരണകൾ (Preconceived Notions) എന്ന് പറയുന്നത്. മുൻധാരണകൾ ചിലപ്പോൾ സമയം ലാഭിക്കുന്നതുപോലെ തോന്നാമെങ്കിലും, ദീർഘകാലാടിസ്ഥാനത്തിൽ വ്യക്തിജീവിതത്തിലും തൊഴിൽജീവിതത്തിലും വലിയ നാശനഷ്ടങ്ങൾ ഉണ്ടാക്കാൻ കഴിയും. വ്യക്തിജീവിതത്തിൽ മുൻധാരണകൾ സൃഷ്ടിക്കുന്ന അപകടങ്ങൾ 1. ബന്ധങ്ങളുടെ തകർച്ച ഒരു വ്യക്തിയുടെ ഒരു പ്രവൃത്തി കണ്ടുകൊണ്ട് അയാളുടെ മുഴുവൻ സ്വഭാവവും വിലയിരുത്തുമ്പോൾ തെറ്റിദ്ധാരണകൾ ഉണ്ടാകാം. ഇത് കുടുംബബന്ധങ്ങളിലും സൗഹൃദങ്ങളിലും അകലം സൃഷ്ടിക്കുന്നു. 2. ആശയവിനിമയത്തിലെ തടസ്സങ്ങൾ മറ്റൊര...
Read more

മനോഭാവമോ അനുഭവപരിചയമോ? നിയമനത്തിലെ യഥാർത്ഥ വെല്ലുവിളി

Image
മനോഭാവമോ അനുഭവപരിചയമോ? നിയമനത്തിലെ യഥാർത്ഥ വെല്ലുവിളി. By Sarathkumar Kattoor Management Consultant & Business Trainer "Hiring kind people with a positive mindset is better than hiring experienced people with a negative attitude. Skills can be taught. Attitude is harder to change." കഴിഞ്ഞ 15 വർഷങ്ങളായി വിവിധ മേഖലകളിലെ സ്ഥാപനങ്ങളിൽ മാനേജ്മെന്റ് കൺസൾട്ടന്റായി പ്രവർത്തിച്ച അനുഭവത്തിൽ നിന്ന് ഞാൻ മനസ്സിലാക്കിയ ഒരു പ്രധാന സത്യമാണിത്. നൂറുകണക്കിന് നിയമന തീരുമാനങ്ങളും, ടീം വികസന പ്രവർത്തനങ്ങളും, ബിസിനസിന്റെ വളർച്ച പദ്ധതികളും തയ്യാറാക്കാനും അത് നടപ്പിലാക്കാനും അവസരം ലഭിച്ചിട്ടുണ്ട്. അതിൽ പലപ്പോഴും മികച്ച പ്രകടനം കാഴ്ചവെച്ചത് ഏറ്റവും കൂടുതൽ അനുഭവപരിചയമുള്ളവരല്ല, മറിച്ച് പഠിക്കാൻ തയ്യാറുള്ളതും പോസിറ്റീവ് മനോഭാവമുള്ളതും സ്ഥാപനത്തിന്റെ മൂല്യങ്ങളുമായി ചേർന്നുനിൽക്കുന്നതുമായ ആളുകളായിരുന്നു. ഈ അനുഭവങ്ങളാണ് മനോഭാവത്തിന് കഴിവുകളേക്കാളും അനുഭവപരിചയത്തേക്കാളും ദീർഘകാല വിജയത്തിൽ കൂടുതൽ സ്വാധീനമുണ്ടെന്ന് എന്നെ വിശ്വസിപ്പിച്ചത്. ഇന്ന് പല സ്ഥാപനങ്ങളും ജീവനക്കാരെ തിരഞ്ഞെടുക്കുമ്പോൾ പ്...
Read more

ജീവനക്കാരെ കുറ്റപ്പെടുത്തുന്നതിന് മുമ്പ് സിസ്റ്റം പരിശോധിക്കുക

Image
ജീവനക്കാരെ കുറ്റപ്പെടുത്തുന്നതിന് മുമ്പ് സിസ്റ്റം പരിശോധിക്കുക By Sarathkumar Kattoor Management Consultant & Business Trainer "People do what the system allows, rewards, or forces them to do." അതായത്, ഒരു സ്ഥാപനത്തിലെ ജീവനക്കാർ ചെയ്യുന്ന കാര്യങ്ങൾ പലപ്പോഴും അവരുടെ വ്യക്തിപരമായ സ്വഭാവത്തിന്റെ മാത്രം ഫലമല്ല. അവർ പ്രവർത്തിക്കുന്ന സിസ്റ്റം എന്താണ് അനുവദിക്കുന്നത്, എന്തിനാണ് പ്രതിഫലം നൽകുന്നത്, എന്താണ് നിർബന്ധമാക്കുന്നത് എന്നതിന്റെ പ്രതിഫലനമാണ് അവരുടെ പെരുമാറ്റം. പല സ്ഥാപനങ്ങളിലും ഒരു സാധാരണ കാഴ്ചയാണ്: - ജീവനക്കാർ സമയത്ത് റിപ്പോർട്ടുകൾ നൽകുന്നില്ല. - സെയിൽസ് ടീം പുതിയ ഉപഭോക്താക്കളെ കണ്ടെത്തുന്നില്ല. - മാനേജർമാർ തീരുമാനങ്ങൾ വൈകിക്കുന്നു. - SOP പാലിക്കപ്പെടുന്നില്ല. - സമയ കൃത്യത പാലിക്കുന്നില്ല. ഇത്തരം സാഹചര്യങ്ങളിൽ നമ്മൾ ആദ്യം അന്വേഷിക്കുന്നത് ആളുകളുടെ തെറ്റുകളാണ്.  സത്യത്തിൽ ഈ തെറ്റുകൾ വരാനുള്ള സാഹചര്യം ( System )ആണ് ഒരു ലീഡർ ആദ്യം പരിശോധിക്കേണ്ടത്. 1.സിസ്റ്റം എന്താണ് പ്രോത്സാഹിപ്പിക്കുന്നത്? ഒരു സെയിൽസ്മാനോട് പുതിയ കസ്റ്റമർമാരെ കണ്ടെത്താൻ പറയുകയും, എന്നാൽ അവന്റെ ...
Read more